Wederom een frutsel van André van Aarsen. Hij schrijft : “In mijn jeugd gingen vrijwel alle jongelui uit Losser en Overdinkel op zondagmiddag naar de Kul in Denekamp. Een bron van plezier in het weekend maar…. soms ook bittere teleurstelling”.
Noar de Kul op zöndag.
Zöndagmiddag, get’t noar Denekamp hen, noar de Kul
Een club met oale brommers, doar get et hele spul
De snelsten met hun Zündap bunt a wiet veuroet.
Wi’j met ooze Sparta kiekt wa wat wie doet
En hoe hard ze met zo’n Kreidler ok mait veur’n
Ze stoat lang te wocht’n veur de nog dichte deur’n
As wi’j met doodsverachting om de hook hen scheurt
bint ze noch nig ees an de beurt.
Noa wat veurdring’n en gewrik met oene elleboog
bi’j eindlijk binn’n en kriegt geliek een wichke in ‘ t oog
De hele wekke he’j van eer dreumt , man, gin oog kree’j dicht
Veurige wek zag ie’j heur al , zo’n schier en vrolijk wicht.
Geliek is’t alsof ie’j de groond onder oe weg veult zakk’n
Vreejend met zon’n gladjanus dee al’n auto hef, zet ze oe te kakk’n
Ie zeet et veur oen oog’n gebeur’n, bah wat bunt ze klef
Verwend wicht. Deur wind en költe op oen Sparta noar de Kul, da’ pas lef.
Noe ja ’t is nich anders, wi’ j bint noe eenmoal hier.
Kom maar op, met een hele meter bier !
André van Aarsen
