Het gedicht “Deur de Losserse drei’j” door André van Aarsen. Hij noemt zijn gedichten in de regel frutsels.
Deur de Losserse drei’j
Bie Striekjan deur de bocht op Losser op an
Met meer lef dan vestaand, kiek’n hoe hard ik kan.
Harder en harder op het rechte stuk ,
en dan de drei’j deur op goed geluk
Plat en platter gèt mien brommer deur de bocht
Mien hand’n nat van het zweet, mien kop is klam van’t vocht
Noe, de beide oog’n dicht en goan
Hopend dat d’r geeneen op de stroat zal stoan
Bi’j de Dinkelbrug de oog’n weer los, en…, t duurt wat lang,
pas bi’j Heideman komp mien hartslag weer op gang.
André van Aarsen
