Boer zoekt vrouw

Jans dee was nig al te snugger

En ok nich meer biezonder jong

En zien Moo dee wol merakels geern

Datte met een deernke gong

Maar doar keek Jans nig noar umme

Hee ging ai’t gewoon zien gang

En Moo dacht, dat mot aanders word’n

Want dat duurt mie veuls te lang

En op ’n goei’n dag toen zee ze

Jans, wat dunkt oe van ne vrouw

Zo ak zei, Jans was wat langzaam

En hee snapp’n alles nig zo gauw

Ja, zee Jans, wat zak oe zegg’n

ik vind allemoal zo raar gedoo

En wat mok met d’r begin’n

Want ik heb oe toch wa Moo

Mer Moo wol Jans dee zol goan trouw,n

Doar hielp oons Jans gin kuiern an

Loat mie toch bie oe bliem,n

Mer de Moo zee, niks d’r van

Jans gaf ’t op en zee an ’t leste

Moo, maakt dan mer veur mekaar

As dat wief mie mer nig ofbekt

Zoas ie mangs doot met mien Va

En de kipp’n, dee wil ik hoal’n

As dat vrouwmens dat maar weet

Want ik wil nig dat ’t mie precies zo

As mien Vaa hier geet

En zo neumne nog veul meer op

Jans, dee aait zo dom had lekk’n

En zien Moo dach bie zichzolf

Wat heffe um zich henne kekk’n