Zoo leueuk met Jelle en Sem

Zoo leueuk met Jelle en Sem

Bie oma en opa achter in de bolide geet't
De kleinzeuns vindt’t noe a ’n groot feest
In de katt’nbak ’n deus vol met koekies
In oma’s tassie zitt’n de lekkerste snoepies

Bie de Zoo hebt de jongs niks te klaag'n
Opa trekt met stramme bott’n de bolderwaag'n
Wat ’n lol met al die beest’n veural de aap'n
Net wat veur die 5 en 6 joarige knaap'n

An’t lest mossen wie natuurlijk ’n ijsje koop'n
Toen begon'n ze opa’s heurapperaat te sloop'n
’t Was ’n mooie dag en wat har’n wie ’n dikke pret
Oma en opa laag’n ‘soams mooi vrog in bed.